Киир

Киир

Бүгүн өрөспүүбүлүкэтээҕи медиакиин конференц-саалатыгар өтөрүнэн буолбатах ураты түгэн буолан ааста. Ол курдук, «Айар» национальнай кинигэ кыһата уонна «Горпечать» тэрилтэ бииргэ үлэлэһии сөбүлэһиитин сахалыы түһэристилэр.

Тэрээһини иилээн ыытааччы, РФ үтүөлээх суруналыыһа Владимир Степанов кини үлэлиирин тухары сөбүлэһиини сахалыы түһэрсии буолбатаҕын бэлиэтээтэ уонна Сахабыт сирин бары тэрилтэлэрин, бу үтүө холобуру батыһан, сокуонунан көрүллүбүт быраабы туһанан, докумуону сахалыы толорууну көхтөөхтүк туһаналларыгар ыҥырда.

«Айар» национальнай кинигэ кыһатын салайааччыта Август Егоров кинигэни бэчээттээһин аҕыйаан иһэрин, ол үрдүнэн өрөспүүбүлүкэ олохтоохторо умсугуйан ааҕалларын эттэ. Кини бэчээт эйгэтин үлэһиттэрэ маннык түмсэн сахалыы ааҕыы сүппэтин туһугар бииргэ үлэлэһэллэригэр ыҥырда.  

«Горпечать» тэрилтэ салайааччыта Саргылаана Жиркова хаһыат атыылыыр киоскалар киин куоракка эрэ баалларын, оттон улуустарга аҕыйах урбаанньыт атыылыырын эттэ уонна «Айар» кинигэ кыһатын кытта сөбүлэҥ түһэрсии хаһыаты, сурунаалы улуустарга тиэрдэн тарҕатыыга төһүү күүс буоларыгар эрэнэрин биллэрдэ.

Untitled 2024 02 09T105534.049

Онон, мантан ыла «Айар» национальнай кинигэ кыһата бэчээттиир кинигэлэрин уонна «Горпечать» тарҕатар  хаһыаттарын, сурунаалларын хас да төгүл элбэх киһи ылан ааҕыаҕа.

Бэйэ кэр.

Санааҕын суруй

Бүтэһик сонуннар