Улуус баһылыга Степан Кузьмин, "СӨ Тылларын туһунан" сокуоҥҥа олоҕуран, сахалыы сөпкө суруйууну киэҥ араҥаҕа тарҕатыыга туһулаан, Амма улууһун бары нэһилиэктэрин баһылыктара, тэрилтэлэрин салайааччылара үлэлиир көмпүүтэрдэригэр сахалыы шриби туруоруналларын ирдиир дьаһал таһаарда.
Бу, бастатан туран, үлэ докумуоннарын судаарыстыбаннай сахабыт тылынан сыыһата суохтук суруйарга, иккиһинэн, сахалыы суруллубут докумуоннары хайа да салайааччы үлэтигэр туттар көмпүүтэрэ сөптөөхтүк ааҕарын ситиһиигэ, үсүһүнэн, сахабыт тылыгар ытыктабыллаах сыһыаны, харыстабылы үөскэтиигэ тиэрдиэҕэ.
Быйыл Олоҥхо ыһыаҕын тэрийэн ыытар Амма улууһун эдэр кэскиллээх салайааччыта төрөөбүт төрүт тылыгар уурбут ураты болҕомтотун, көдьүүстээх дьаһалын бары улуустар сэргиэхтэрэ диэн эрэнэбит.
Хаартыска: ЯСИА
С. Софронов
