Олунньу 13 күнүгэр "Үлэ кыбаартала" креативнай кластерга "Тундра" анимация устуудьуйатын "Муҥха" ойуулуга сүрэхтэннэ. Ойуулук "Саха" НКИХ өйөбүлүнэн оҥоһуллан тахсыбыт.
Бу ойуулук Саха сирин кыһынын туһунан сиэрийэ иккис чааһа буолар. "Муҥха" ис хоһооно саха төрүт үгэһин - муҥханы кытта быһаччы ситимнээх.
"Барылбыт олоххо киирэригэр көмөлөспүт "Саха" НКИХ-хэ, Үлэ кыбаарталыгар уонна, биллэн турар, биһиги ойуулуктарбыт персонажтарын таптыыр бар дьоммутугар махтанабыт", - диэн "Тундра" устуудьуйа маркетиҥҥа дириэктэрэ Анна Борисова эттэ.
"Тундра" устуудьуйа, кырдьык, аан дойду таһымнаах бородууксуйаны сүрэхтээтэ", - диир "СӨ Сайдыытын корпорациятын" генеральнай дириэктэрэ Афанасий Саввин.
"Үлэ кыбаартала" креативнай кластер резиденэ "Тундра" анимация устуудьуйата 2023 сыл муус устарыгар "Startup Village" диэн Сколково пуонда стартаптар ортолоругар ыыппыт куонкуруһугар иккис миэстэ буолбута.
Бэйэ кэр.
