“Ситим” медиа-бөлөх, “Кыым” хаһыат эрэдээксийэтэ, “Кыым.ру” аан ситим Арассыыйаҕа Дьиэ кэргэн, Саха сиригэр Оҕо саас сылларынан, өрөспүүбүлүкэҕэ төрөөбүт тыл декадатыгар туһаайан, дьиэ кэргэҥҥэ сахалыы ааҕыыны, эйгэни көҕүлүүр, тарҕатар соруктаах “Саха ыала – “Кыымнаах” өрөспүүбүлүкэтээҕи күрэһи тэрийэн ыытар. Манна ким баҕарар сааһыттан тутулуга суох кыттар.
Ыытыллар кэмэ: Олунньу 10 – кулун тутар 10 күннэригэр – үлэлэри тутуу. Кулун тутар 14 күнүгэр – түмүгү таһаарыы.
Күрэх ирдэбилэ:
- Кыттааччы “Кыым” хаһыаты дьиэ кэргэҥҥэ сөбүлээн сурутуу уонна ааҕыы тиэмэтигэр видео-килиип устар.
- Видео 30 сөкүүндэттэн саҕалаан 3 мүнүүтэҕэ диэри уһун буолуон сөп.
- Видео формата MP4 буолуохтаах. 1080 × 1 920 пиксель ордук.
- Ааптар килиипкэ булгу көстөрө ирдэммэт, ол эрээри уһуллуон сөп.
- Видеоны таҥарга хайа анал бырагырааманы уонна үстүрүмүөнү туттары кыттааччы бэйэтэ быһаарар.
- Видеокилииптэри кулун тутар 10 күнүгэр диэри Этот адрес электронной почты защищён от спам-ботов. У вас должен быть включен JavaScript для просмотра. элэктэриэн почтаҕа эбэтэр 8 (914) 820 09 75 нүөмэринэн телеграмҥа ыытаҕыт.
- Сайаапкаҕа ааккытын-суолгутун, олорор сиргитин, билсэр нүөмэргитин, сааскытын ыйаҕыт.
Кыайыылаахтары быһаарыы:
Кыайыылаахтары дьүүллүүр сүбэ быһаарар. Видео-килиип ис хоһооно, туруоруута, уратыта, хаачыстыбата сыаналанар. Кыайыылаахтар сыаналаах бириис уонна туоһу сурук тутуохтара, ону таһынан биһирэбил бириистэр олохтонуохтара.
Ааптар бырааба:
Күрэххэ киирбит видео-килииптэри эрэдээксийэ бэйэтин көрүүтүнэн туһанар бырааптанар.
Тэрийэр сүбэ.
