РФ Бырабыыталыстыбатын бэрэссэдээтэлин солбуйааччы, РФ Бэрэсидьиэнин Уһук Илиҥҥи федеральнай уокурукка боломуочунай бэрэстэбиитэлэ Юрий Трутнев олунньу 21-24 күннэригэр Саха сиригэр үлэлии кэллэ.
Кини Дьокуускай уонна Нерюнгри куораттар маастар-былааннарын толоруу туһунан мунньах ыытыаҕа. Маны таһынан, «Үлэ кыбаартала» креативнай кластерга «Патриотическая» ТОР бородууксуйатын көрүөҕэ. Итиэннэ социальнай эбийиэктэргэ, ол иһигэр СӨ Муусука үрдүкү оскуолатыгар сылдьыаҕа.
Юрий Трутнев, сөмөлүөттэн түһээт, үлэтин саҕалаата. Ол курдук, Дьокуускай аэропордугар Ф.М. Охлопков кэриэһигэр ыытыллар I Бүтүн Арассыыйатааҕы ыраахха ытыыга турнир кыттааччыларын уонна ыалдьыттарын эҕэрдэлиир сир төһө бэлэмин көрдө.
Сонун төрдө: СӨ Бырабыыталыстыбатын уонна Ил Дарханын пресс-сулууспата
