РФ Уопсастыбаннай палаататыгар Аҕа дойду көмүскээччитин күнүгэр аналлаах тэрээһиҥҥэ «Саллаат аҕата» уопсастыбаннай билинии мэтээлин аан бастакытын туттардылар. Барыта анал байыаннай дьайыы дьоруойдарын иитэн таһаарбыт 40 тахса аҕа мэтээл тутта. Кинилэр ортолоругар 8 Арассыыйа Дьоруойдарын аҕалара бааллар.
Саха сириттэн «Саллаат аҕата» мэтээлинэн Арассыыйа дьоруойдара Алексей Неустроев аҕата Михаил Михайлович Неустроев уонна Дмитрий Егоров аҕата Николай Алексеевич Егоров наҕараадаланнылар. Кинилэр Москубаҕа СӨ Үлэ уонна социальнай сайдыы министиэристибэтин өйөбүлүнэн тиийдилэр. Аҕалары чиэстиэх иннинэ Норуоттар икки ардыларынааҕы «Россия» быыстапка-пуорум «Якутия – Вселенная Олонхо» экспозициятыгар сырытыннардылар.
Наҕараадалааһыны РФ Уопсастыбаннай палаататын демографияҕа, дьиэ кэргэни, оҕо аймаҕы уонна үгэс буолбут сыаннастары көмүскүүр хамыыһыйата, Бүтүн Арассыыйатааҕы аҕалар хамсааһыннара тэрийдилэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
