Бүгүн, олунньу 27 күнүгэр биллиилээх суруналыыс, кинигэ таһаарааччы, кыраҕы харахтаах фотограф, хорсун уопсастыбанньык, умсулҕаннаах коллекционер Владислав Коротов 70 сааһын туолла. Бүгүн кинини эҕэрдэлээбэт тэрилтэ диэн, арааһа, суоҕа буолуо. Ол курдук кини бары эйгэҕэ дэгиттэр уонна көхтөөх, үлэ бэтэрээнэ, СӨ физическэй култуураҕа уонна успуорка, СӨ бэчээтин туйгуна.
Ытыктабыллаах Владислав Петровиһы «Ситим» медиа-бөлөх, «Кыым» хаһыат, «Кыым.ру» саайт аатыттан истиҥник эҕэрдэлиибит уонна чиргэл туругу, үлэҕэр-хамнаскар муҥутуур ситиһиилэри, дьоллоох дьиэ кэргэни баҕарабыт! Эн өрөспүүбүлүкэ олоҕор киллэрбит уонна киллэрэ сылдьар кылаатыҥ сүҥкэн, эн уопсастыбаннай үлэҥ, талааныҥ уонна киэҥ билииҥ бар дьоҥҥо холобур буолар. Эн үөрэх, бэчээт, успуорт эйгэлэригэр бэриниилээх уонна айымньылаах үлэҕин дьон сыаналыыр, махтанар.
Владислав Коротов туһунан элбэҕи билиэн баҕалаахтары аан ситимигэр ыҥырабыт: https://sakha-korotov.ru/obo-mne/
«Ситим» медиа-бөлөх, «Кыым» хаһыат, «Кыым.ру» саайт кэлэктиибэ.
