Сунтаар улууһуттан сылдьар байыас Ил Дархаҥҥа УАЗ массыынаны ыыппытын иһин махтанан кыргыһыы хонуутугар сылдьыбыт Саха сирин былааҕын ыытта. Ол туһунан «Военкоры Якутии» телеграм-ханаал суруйда.
Санатар буоллахха, Айсен Николаев олунньу 14 күнүгэр Сунтаар улууһугар тиийэ сылдьан Анатолий төрөппүттэрин кытта көрсүбүтэ. Байыас аҕата Ил Дархаҥҥа уолун илдьитин тиэрдибитэ. Онно Анатолий, гуманитарнай көмөҕө махтанан туран, туох көмө ирдэнэрин эппитэ. Ол курдук, кини анал байыаннай дьайыыларга УАЗ массыына ордук барсарын эппитэ.
Бу күннэргэ өрөспүүбүлүкэ тирэх пуунун бэрэстэбиитэллэрэ киниэхэ УАЗ массыынаны тиэрдэн биэрдилэр.
Сонун төрдө: СӨ Бырабыыталыстыбатын пресс-сулууспата.
