Киир

Киир

Олунньу 25 күнүттэн үлэ биэрээччи 16 диэри саастаах оҕону иитэр аҥаардас төрөппүтү аны тус баҕатынан ууратар кыаҕа суох. Ол туһунан сокуоҥҥа бэрэсидьиэн  Владимир Путин илии баттаата. Урут сокуон манныгы оҕо 14 сааһын туолуор диэри эрэ мэктиэлиир этэ. Онон, сокуон көмүскэлэ икки сылынан уһаата.

Оттон инбэлиит оҕону иитэр аҥаардас төрөппүтү салайааччы оҕото 18 сааһын туолуор диэри ууратар бырааба суох. Бэл, төрөппүт үлэтин кыайбат да түгэнигэр. Биллэн турар, үлэһит бэрээдэгэ мөлтөх, араас буруйу оҥорбут, сымыйа докумуоннарынан үлэҕэ киирбит уонна о.д.а түгэҥҥэ ууратыы көрүллэр.

Аҥаардас төрөппүт диэн кимин чопчулуур буоллахха, оҕолорун иккис төрөппүт кыттыыта, көмөтө суох иитэ сылдьар ийэ эбэтэр аҕа ааттанар. Ол эбэтэр, оҕотун туоһу суругар иккис төрөппүтэ суруллабатах, төрөппүтэ суох буолбут, сураҕа суох сүппүтүнэн, сөптөөх дьайыылары оҥорор кыаҕа суоҕунан билиниллибит, хаайыыга олорор, төрөппүт быраабыттан быһыллыбыт эбэтэр оҕону иитииттэн куотунар буоллаҕына.

Сонун төрдө: СӨ Үлэ уонна социальнай сайдыы министиэристибэтэ

Санааҕын суруй

Бүтэһик сонуннар