Арассыыйа либеральнай-демократическай баартыйата бу күннэргэ куйаар ситимигэр элбэхтик ахтыллар буолла. Ол төрүөтүнэн дьокутааттар Госдумаҕа киллэрбит этиилэрэ буолар.
Бастатан туран, кинилэр тыа сирин урбаанын барыс түһээниттэн босхолуурга эттилэр. Бу олоххо киирэрэ буоллар, тыа сиригэр эбэтэр аччыгый куораттарга урбаан сайдыыта тэтимириэ этэ диэн санаалаахтар. Маны сэргэ, дьокутааттар НДС 50%-нын регион бүддьүөтүгэр ыытары сөптөөҕүнэн ааҕаллар.
ЛДПР киллэрбит иккис бырайыактарынан биир кэлим эксээмэни (БКЭ) булгуччулаах туттарыыны тохтотуу буолар. Сокуон ааптардара оскуоланы бүтэрээччилэргэ БКЭ эбэтэр үрдүк үөрэх кыһатыгар киирэр эксээмэни талар быраабы туруорсаллар.
Сонун төрдө: «Парламент хаһыата»
