Киир

Киир

Ол чуолаан кимнээххэ, туох буруйу оҥорбут дьоҥҥо сыһыаннааҕый? РФ Судаарыстыбаннай Дуумата анал байыаннай дьайыы буола турар кэмигэр РФ сэбилэниилээх күүстэрин кытта байыаннай сулууспаны ааһарга хантараак түһэрсибит дьону холуобунай эппиэтинэстэн босхолуур мэхэньиисими бигэргэтэр сокуону бүтэһиктээх үһүс ааҕыга ылынна.

Онно сыһыаннаах уларыйыы РФ Холуобунай уонна Холуобунай-процессуальнай кодекстарыгар, ону сэргэ кэккэ сокуон акталарыгар киириэхтээх. Ол кыра уонна орто буруйу оҥорууга уорбаланар, оннук таһымнаах буруйу оҥорон сууттаммыт-буруйдаммыт дьоҥҥо сыһыаннаах.

“Саҥа уларыйыы силиэстийэлэнэ, сууттана сылдьар уонна номнуо бириигэбэрдэрэ тахсыбыт дьон байыаннай хантараагы түһэрсэллэригэр кыаҕы үөскэтэр”, – диир Госдума сокуону оҥорууга кэмитиэтин бэрэссэдээтэлэ Павел Крашенинников.

Өскөтүн оннук дьон хантараак түһэрсэн сулууспалыы сылдьан иккистээн буруйу оҥордохторуна, суут бириигэбэригэр урукку буруйдара эмиэ учуоттаныахтаах. Саҥа сокуоҥҥа анаан бэлиэтэнэринэн, урукку өттүгэр сокуоннай саастарын ситэ илик оҕолору утары эр-дьахтар айылгыларынан буруйу оҥоруу иһин сууттаммыт, терроризм, үспүйүөннээһин, судаарыстыбаны таҥнарыы уонна атын кэккэ ыар уонна ураты ыар буруйу оҥорбут дьон хантараагы түһэрсэллэрэ көҥүллэммэт.

Хантараак түһэрсибит дьон судаарыстыбаннай наҕарааданы ыллахтарына эбэтэр атын төрүөтүнэн сулууспаттан ууратылыннахтарына, салгыы эппиэтинэстэн босхолонуохтарын, сууттаммыттара тохтотуллуон (погашение) сөп буолар.

КИРИЭМИЛ: “ДЬЫАЛА “АЙДААННААҔА” ОРУОЛУ ООННЬООБОТ”

Бэрэсидьиэн пресс-сэкирэтээрэ Дмитрий Песков, бэл, анал байыаннай дьайыыга кыттыбыт “дуорааннаах” холуобунай дьыала кыттыылаахтара буруйу боруостууртан босхолонуохтарын сөбүн туһунан этэр. Кини: “Буруйу кыргыһыы хонуутугар хаанынан боруостааһын эрэ ааҕыллар. Онно дуорааннааҕа, дуораана суоҕа оруолу оонньообот”, -- диир.

 

Бу туһунан Лента.ру суруйар.
Игорь Меркулов хаартыската.

Санааҕын суруй

Бүтэһик сонуннар