СӨ Ыксаллаах быһыыга-майгыга министиэристибэтэ бүгүн Хаҥалас улууһун «Умнас» айан суолугар УАЗ уонна Тойота Королла массыыналар харсыһаннар, түөрт киһи тыына быстыбытын туһунан иһитиннэрдэ.
«Массыынаҕа оҕолор суохтар. Үс эчэйбит киһини Покровскай балыыһатыгар илтилэр. Төрдүс киһини кыбыллыыттан босхолуу сылдьаллар», - диэн суруйдулар.
Быһылаан буолбут сиригэр ГИБДД үлэһиттэрэ, Өктөм сэлиэнньэтин баһаарынайдара, быыһааччылар үлэлииллэр. Хаҥалас борокуратуурата бэрэбиэркэ ыытар.
Эрэдээксийэ аатыттан сүтүктээхэргэ дириҥ кутурҕаммытын биллэрэбит уонна бары суоппардары халтырааҥҥа сэрэхтээхтик айанныырга ыҥырабыт.
Сонун төрдө: СӨ Ыксаллаах быһыыга-майгыга министиэристибэтэ.
