«Орто Дойду» зоопарка аатырбыт үрүҥ эһэтэ Халымаана бэҕэһээ аан бастакытын уоллаах кыыһын дьаарбата таһаарда. Үлэһиттэр быһаарбыттарынан, эһэ оҕолоро ахсынньы 4 күнүгэр төрөөбүттэр. Видеоҕа көстөрүнэн, тыһыта - ордук сытыы, оттон атыыра - арыый сэмэй.
Үгэс быһыытынан, «Роснефть» хампаанньа саҥа төрөөбүт үрүҥ эһэчээннэргэ аат толкуйдуурга күрэс биллэрдэ. Толкуйдаабыт ааттаргытын Этот адрес электронной почты защищён от спам-ботов. У вас должен быть включен JavaScript для просмотра. почтаҕа күүтэллэр. Ааттары пааранан суруйан ыытаргыт ордук (холобура, «Лоокут-Ньургуhун»). Толору ааккытын, төлөпүөҥҥүтүн, ханна олороргутун ыйаргытын умнумаҥ.
Хампаанньа уонна зоопарка бэрэстэбиитэллэрэ ордук табыллыбыт ааттары талан куоластааһыҥҥа таһаарыахтара. Түмүгү муус устар 13 күнүгэр ВДНХ уораҕайын «Роснефть» павильонугар биллэриэхтэрэ. Бастакынан аат ыыппыт уонна элбэх куолаһы ылбыт кыттааччылар өйдөбүнньүк бэлэхтэри тутуохтара.
Санатар буоллахха, Халымаананы 2012 с. Аллараа Халымаҕа «Эһэлэр арыылара» архипелагтан булбуттара. Оттон Ломоносовы Ленинград зоопааркатыттан аҕалбыттара. Халымааналаах Ломоносов 2016 с. төрөппүт кыыстара Хаарчаана билигин - Ленинград зоопаркатыгар, оттон 2019 с. төрөппүт уоллара Алмаз – Хабаровскай зоопаркатыгар олороллор.
Сонун төрдө: СӨ Бырабыыталыстыбатын уонна Ил Дарханын пресс-сулууспата
