Ил Түмэн дьокутааттара кэккэ уопсастыбаннай сирдэргэ табаҕы тардары эбии хааччахтыыр уонна анал табахтыыр сирдэри тэрийэр туһунан сокуон барылын оҥорбуттар. Саҥа сокуон барылын Светлана Давыдова салайааччылаах Ил Түмэн Доруобуйа харыстыбалыгар кэмитиэтин чилиэннэрэ көҕүлээбиттэр.
“Дьон оптуобус тохтобулларыгар уонна пааркаларга элбэхтик табахтыыр. Оттон биһиги кинилэри буойар (муҥ саатар оҕо-уруу баар кэмигэр) туох даҕаны төрүөппүт, бырааппыт суох. Онон, ити хааччахтааһын – кэм-кэрдии уонна уопсастыба сайдыытын туоһутаэ”, – диир дьокутаат.
Ити сокуон олоххо киирдэҕинэ, табахсыттар уопсастыбаннай көлө анал тохтобулуттан кырата 15 миэтэлээх сиргэ тиийэн табаахтыыр, оттон сынньалаҥ, туризм, эти-сиини чэбдигирдэр култуура уонна успуорт пааркаларыгар табаахтыыллара букатын да бобуоллуохтаах. Табаҕы уонна никотиннаах атын бородууксуйаны анал сирдэргэ эрэ тардар көҥүллэниэхтээх.
