2023 сыл тохсунньу 19 күнүттэн «Арассыыйа Бэдэрээссийэтигэр үөрэх туһунан» сокуонун 43 ыстатыйатыгар 4.1 пуунунан сиэп төлөпүөнүн оскуолаҕа уруок кэмигэр туттубат туһунан уларытыы киллэрбиттэрэ.
Уларытыыга этиллэринэн: «Араадьыйа-төлөпүөн сибээһин хамсыыр тэрилин алын, сүрүн уопсай уонна орто уопсай үөрэх тосхолунан үөрэтэр дьарык кэмигэр туттуллубат, үөрэнээччи, тэрилтэ үөрэх дьайыытын ыытар үлэһитин олоҕор эбэтэр доруобуйатыгар куттал үөскүүр, атын ыксаллаах быһыы-майгы түгэниттэн ураты».
Онон, өрөспүүбүлүкэ борокуратууратын сорудаҕын толорон, куорат уонна улуус борокуруордара үөрэх тэрилтэлэрин локальнай аахталарыгар үөрэнээччи бэрээдэгэр сыһыаннаах саҥа ирдэбил хайдах киирбитин бэрэбиэркэлээтилэр. Ол түмүгэр 300 кэһии баара көһүннэ. Кэһиилэрдээх локальнай аахталары федеральнай сокуоҥҥа сөп түбэһиннэрдилэр.
Сонун төрдө: СӨ Борокуратууратын пресс-сулууспата.
