Киир

Киир

Бэҕэһээ социальнай ситиминэн  «Күнчээн» оҕо кииниттэн тахсыбыт кыыс оҕону кимэ биллибэт эр киһи массыынаҕа олордо сатаабытын туһунан хаартыскалаах иһитиннэрии киэҥник тарҕаммыта. Онуоха, оҕо хас саастааҕа, тоҕо соҕотох сылдьыбыта аныаха диэри биллибэт.

Полиция үлэһиттэрэ тута, «Ниссан Алмера» массыына хаһаайынын булан, доппуруостаатылар. 50 саастаах чааһынай таксист «Рыдзинскай уулуссаттыттан пассажир ыла сылдьыбытын, суолга оҕо турарын көрөн түннүгүн арыйан, суолу туораа диэн эппитин, онуоха кыыс куотан хаалбытын» кэпсээбит. Таксист кэпсээнин онно олорсон испит пассажир эмиэ бигэргэппит.

Уорбаланааччы кырдьыгы этэр түгэнигэр, сотору кэминэн оҕону кытта уулуссаҕа кэпсэтэр, көмөлөһө сүүрэр да киһи суох буолсу. Уопсайынан, педофиллар тустарынан наһаа элбэхтик суруйаннар, улахан да дьон, оҕо да уйулҕата кэһиллэн, оҕону кытта хас кэпсэппит киһи уорбаланар куттала үөскээтэ диэн этиэхпитин баҕарабыт.  

Мантан сиэттэрэн, былырыын уһуйаан аттынан ааһан иһэр дьахтар тиэргэҥҥэ сынньана олорор аҕам саастаах үлэһити «педофил сылдьар» диэн полицияҕа үҥсэн турардааҕын санатабыт.

Бэйэ кэр.

Санааҕын суруй

Бүтэһик сонуннар