Өрөспүүбүлүкэ «Уһук Илиҥҥи гектар» тосхолу туһаныыга үс инники күөҥҥэ сылдьар субъект ахсааныгар баар. Ол курдук, Саха сиригэр 2016 сылтан бу тосхолунан олохтоохтор 14 719 сири ылбыттар. Барыта 32 890 сайабылыанньа киирбит.
Санаттахха, «Уһук Илиҥҥи гектар» тосхолунан Арассыыйа олохтоохторо Уһук Илиҥҥи уокурукка уонна Арктикаҕа дьиэ туттарга, фермер хаһаайыстыбатын тэринэргэ эбэтэр урбаанынан дьарыктанарга анаан биир гектарга диэри иэннээх сири босхо ылыахтарын сөп.
Тохсол РФ 18 субъегар, ол иһигэр Уһук Илиҥҥи уокурук 11 регионугар уонна Арктика зонатын 7 регионугар үлэлиир.
Сонун төрдө: CӨ Бырабыыталыстыбатын уонна Ил Дарханын пресс-сулууспата
