Киир

Киир

Ол курдук, SuperJob сиэрбис ыыппыт ыйытыгынан, Дьокуускайга үөрэх таһынан эбии дьарыктыыр репетитор өҥөтүн 7-8 кылааска үөрэнэр оҕолоох төрөппүт 27%-на, 9 кылааһы бүтэрэр оҕолоох төрөппүт 48%-на уонна 10-11 кылааска үөрэнээччилээх төрөппүт  50%-на туһанар эбит.

7-8 кылааска ордук англия тылыгар, алгебраҕа уонна геометрияҕа, нуучча тылыгар, физикаҕа уонна химияҕа репетиторданаллар эбит. Онно нэдиэлэҕэ ортотунан 3200 солк. ыыталлар. 9, 10 уонна 11 кылаас оҕолоро үксүгэр булгуччулаах эксээмэннэргэ: алгебраҕа уонна геометрияҕа, нуучча тылыгар бэлэмниир эбии дьарыктарга сылдьаллар. Эбии дьарыгы ордук эрэйэр топ-5 бирэдимиэт ахсааныгар  өссө англия, физика уонна химия киирэллэр. Тохсус кылааска эбии дьарыкка төрөппүттэр нэдиэлэҕэ ортотунан 3700 төлүүр буоллахтарына, онус уонна уон биирис кылаастарга  4800 солкуобайы барыыллар.

Үрдүкү кылаас оҕолорун репетитордарыгар нэдиэлэҕэ 10 тыһ. тахса солкуобайы биэрэр төрөппүттэр эмиэ бааллар. «Ыйга МРОТ кээмэйиттэн икки төгүл элбэх суумма тахсар!», «Сыаналара наһаа үрдүк!» диэн абитуриенныы  барыахтаах оҕолор төрөппүттэрэ мөҕүттэллэр.

Сонун төрдө: SuperJob сиэрбис

Санааҕын суруй

Бүтэһик сонуннар