Өрөспүүбүлүкэтээҕи психоневрологическай диспансер муус устар 12 күнүттэн саҕалаан Дьокуускай куорат олохтоохторун сарсыардааҥҥы гимнастикаҕа ыҥырар. Дьарыгы диспансер психотерапевтара босхо ыытыахтара.
Нейрогимнастика ЯРПНД психотерапия киинин тас былаһааккатыгар (Фёдор Попов уул. 16/4) хас бэнидиэнньик, сэрэдэ уонна бээтинсэ ахсын сарсыарда 8.00 чаастан буолуоҕа. Дьарык уһуна – 15-20 мүнүүтэ.
ЯРПНД психотерапева, бырайыагы көҕүлээччилэриттэн биирдэстэрэ Алтаана Алексеева этэринэн, нейрогимнастика мэйии үлэтин тупсарарга туһуланар. Икки полушариены тэҥҥэ үлэлэтэргэ анаммыт эрчиллиилэри күн ахсын оҥоруу өйдүүр кыаҕы үрдэтэрин таһынан сүргэни үчүгэйдик көтөҕөр эбит.
Билсэр төлөпүөн: 8 (924) 864-5658, 507-968.
Сонун төрдө: ЯРПНД пресс-сулууспата
