Дьокуускай куорат дьаһалтатын кулун тутар 27 күнүнээҕи 465р №-дээх дьаһалынан, Дьокуускай куорат сиригэр-уотугар дьон-сэргэ маассабайдык сынньанар маннык сирдэрэ быһаарыллыбыттар:
1. Дьокуускай Хаҥалаһын дьаһалтата: Өлүөнэ өрүс кытылыгар таас чоҕу сүөкүүр тиксии кэтэҕэр; Хотугу ытык хайа (Кангаласский мыс), анал сынньанар сир.
2. Хатас нэһилиэгин дьаһалтата: Покровскайдыыр аартык 20 км (Дьокуускай – Покровскай айан суолун уҥа өттө).
Ити ыйыллыбыт сирдэргэ дьон-сэргэ талбыт кэмигэр сылдьара толору көҥүллэнэр. Ол гынан баран, аһаҕас уоту оттор – бобуллар. Сынньалаҥ сирдэригэр чоххо эти (шашлык) буһарар анал сирдэр оҥоһуллан тураллар. Сынньанааччылар мангал тулатыгар уот барыытын бохсор тулааһын хаһыахтаахтар, уоту умулларар уулаах буолуохтаахтар. Эти аһаҕас уокка буһарар көҥүллэммэт, чоххо эрэ буһарыллыахтаах.
Ойуурга сылдьан уоттан сэрэхтээх буолуу ирдэбиллэрин кэстэххэ, РФ КоАП 20.4 ыстатыйатын 1 чааһынан ыстарааптаах административнай эппиэтинэскэ тардыллыахха сөп:
- көннөрү дьон: 5000 – 15 000 солк.;
- дуоһунастаах дьон: 20 000 – 400 000 солк.;
- тэрилтэлэр: 300 000 – 400 000 солк.
2024 сыл муус устар 27 күнүттэн саҕалаан Дьокуускайга дьон-сэргэ сынньанарын сөбүлүүр сирдэригэр анал эриэйдэлэр тэриллиэхтэрэ.
Сынньана, айылҕаҕа сылдьааччылар ханна эмэ уот турбутун көрдөхтөрүнэ, тута 101 нүөмэринэн баһаарынай сулууспаҕа эбэтэр Кэлим диспиэтчэр сулууспатыгар 44-45-64 тыллыахтаахтар.
