Nordwind («Хотугу тыал») хампаанньа Казань — Дьокуускай — Казань маршрутунан тиһиктээх эриэйсэлэри толорон саҕалаата. Ол курдук, муус устар 29 күнүгэр Дьокуускай тиксэлигэр (аэропордугар) Татарстан киин куоратыттан бастакы сөмөлүөт кэлэн түспүтүн уунан аарка оҥорон көрүстүлэр.
Boeing 737-800 сөмөлүөт Дьокуускайга чопчу наардалынан кэриэтэ — 10:45 (ыйыллыбытынан — 11:10) толору 150 киһи кэриҥэ тиэниилээх кэллэ. Көтүү 5 чаас 15 мүнүүтэ устата буолла. Пассажирдары, үгэс быһыытынан көтөр аал үрдүнэн аарка оҥорон, көрүстүлэр.
Казаньҥа тиһиктээх быһа эриэйсэлэр нэдиэлэҕэ иккитэ – бэнидиэнньиккэ уонна чэппиэргэ – көтүөхтэрэ. Бу маршрутунан сааскы кэмҥэ Boeing 737-800 сөмөлүөт көтөр буоллаҕына, бэс ыйыттан кэтит фюзеляжтаах Airbus А330-200 сөмөлүөтү көтүтүөхтэрэ. «Дьокуускай аэропорда» АУо иһитиннэрбитинэн, пассажирдар Казань тиксэлигэр тохтобуллаах москубатааҕы Шереметьево, питердааҕы Пулково тиксэллэргэ, Сочига, Минеральнай Ууларга уонна Махачкалаҕа көтүөхтэрин сөп.
Сонун төрдө: Sakhaday.ru
