Киир

Киир

Арассыыйа үөрэнээччилэрэ СКЭ (ЕГЭ) биир биридимиэтин эһиилги үөрэх дьылыгар хоһуттан туттарыахтарын сөп. Ол туһунан Рособрнадзор салайааччыта Анзор Музаев тылыгар сигэнэн, РИА “Новости” суруйар.

“Ити – бэрэсидьиэн сорудаҕа”, – диэбит тойон Музаев.

Кини этэринэн, быйыл оскуоланы бүтээрээччилэр СКЭ-ни туттаралларыгар бары барыта бэлэм буолбут, хоһуттан туттарыыга от ыйыгар икки эбии күн тыырыллыбыт.

Выпускниктар биир биридиэмити хоһуттан туттаралларыгар кыах бэриллиэн сөбүн туһунан дойду бэрэсидьиэнэ Владимир Путин Федеральнай Сэбиэккэ Анал туһаайыытыгар этэн турар. Санаттахха, быйыл СКЭ ыам ыйын 24 күнүттэн от ыйын 5 күнүгэр диэри ыытыллар. Урутаан туттарыы кулун тутар 22 күнүттэн саҕаланан баран, муус устар 12 күнүнэн түмүктэммитэ. Эбии түһүмэххэ үс күнү биэрбиттэрэ: балаҕан ыйын 4, 9 уонна 23 күннэрэ.

Бэй.кэр.

Хаартыска: vedomosti.                       

Санааҕын суруй