Киир

Киир

Бүгүн ыам ыйын 16 күнүгэр 04:55 ХаҥаластааҕыЕДДС нүөмэригэр түөрт булчут Өктөм сэлиэнньэтин Солдат арыытыгар барбыттарын туһунан иһитиннэрии киирдэ. Быһылаан буолбут сиригэр "Полярные авиалинии" хампаанньа Ми-8 бөртөлүөтэ СӨ Быыһыыр сулууспатын быыһааччыларын Валерий Андросов салайааччылаах бөлөҕүн илдьэ көттө.

Онон, быыһааччылар сарсыарда 8 ч. 25 мүн. булчуттары быыһаан дьиэлэригэр аҕаллылар. Көмө көрдөөбүт дьон туруктара барыларын киэнэ үчүгэй. Ыҥырыы киирээтин кытары бастакы кылаастаах быыһааччы  Валерий Андросов көмө көрдөөбүт дьоҥҥо төлөпүөнүнэн сүбэ-ама биэрбит, муус тоҕо анньан кэллэҕинэ тугу гынылларын быһаарбыт, эвакуацияҕа бэлэмнээбит.

Ити курдук, сатамматах булчуттар, сэрэтии бөҕө тарҕаммытын үрдүнэн, өрүскэ тахсыы кутталлааҕын билэн туран, арыыга бултуу барбыттар. Кинилэр эппиэтинэһэ суох сыһыаннарыттан быһааччылардаах бөртөлүөт көттө, өрөспүүбүлүкэ бүддьүөтүгэр хоромньу оҥоһулунна. Онон, быһыыр сулууспа булчуттар ааттарын аһаҕас ситимҥэ таһаарда. Бу – Эдгар Иванов, Петр Дегтярев, Владислав Слепцов, Семен Кириллов.

WhatsApp Image 2024 05 16 at 10.33.29

Сонун төрдө: СӨ Быыһыыр сулууспата

Санааҕын суруй

Бүтэһик сонуннар