Киир

Киир

Нам улууһугар уу түспүт нэһилиэктэригэр сотору дезинфектордар бөлөхтөрө үлэлиэҕэ. Билигин суолу-ииһи, уу, гаас ситимнэрин чөлүгэр түһэрэллэр. 16 нэһилиэнньэлээх пуун ууга барбытыттан, сэттэтэ босхолонно. Ол иһигэр: Аппааны, Бартыһаан, Фрунзе, Көбөкөн, Үөдэй, Никольскай, Кыһыл Дэриэбинэ. Ол туһунан ыам ыйын 21 күнүгэр улуус баһылага Юрий Слепцов кэпсээтэ.

Нам атын нэһилиэктэригэр уу эмиэ кыралаан түһэ турар.

“Бэҕэһээ Ил Дархан Нам Хатырыгар кэлэн мунньахтаабыта. Ыстаап быһаарыллыбыта, толоруулаах былаан уорганнарыттан эппиэтинэстээхтэр анаммыттара. Чөлүгэр түһэрэр үлэ салҕанар. Ил Дархан, бастатан туран, эмсэҕэлээбит дьоҥҥо төлөбүрү көрө охсорго соруйбута”, – диэн СӨ гражданскай оборуона дьыалаларыгар уонна нэһилиэнньэ олоҕор куттал суоһаабатын хааччыйыыга миниистирэ Дмитрий Лепчиков иһитиннэрдэ.

“Сахатранснефтегаз” АУо чахчыларынан, билигин Нам улууһугар гаас ситимин чөлүгэр түһэриигэ 20 киһи үлэлии сылдьар. Саахалы туоратар биригээдэ үлэһитин ахсаана бу күннэргэ 70 киһиэхэ тиийиэхтээх, 17 тиэхиньикэ буолуохтаах.

Ону таһынан, ыксаллаах быһыы-майгы мунньаҕар Кэбээйи, Бүлүү, Орто Халыма уонна Усуйаана туһунан кэпсэттилэр.

Санаттахха, Саха сиригэр Ил Дархан Айсен Николаев дьаһалынан зампред Дмитрий Садовников салайааччылаах халаан содулун туоратар бырабыыталыстыба бөлөҕө тэриллибитэ. Халаантан эмсэҕэлээбиттэр бары биир кэмнээх көмөҕө тиксиэхтэрэ.  

Төлөбүр ылар туһунан сайабылыанньаны госуслуги портал уонна МФЦ нөҥүө биэриэххэ сөп.  

  

Бэй.кэр.
Хаартыска: СӨ официальнай информационнай портала.

Санааҕын суруй

Бүтэһик сонуннар