Ыам ыйын 22 күнүгэр Саха сиригэр РФ Ыксаллаах быһыыга-майгыга миниистирэ Александр Куренков кэллэ. МЧС салайааччыта сааскы халаантан эмсэҕэлээбит эрэгийиэннэргэ сылдьан, үлэ-хамнас хаамыытын билсэр. Бу иннинэ Куренков Омскайга, Оренбурга, Кургаҥҥа уонна Тюменьҥа сылдьыбыта.
СИА суруйарынан, Александр Куренков Ил Дархан Айсен Николаевы кытта ыксаллаах быһыы-майгы туругун сыаналыыр курдук, Нам улууһун бөртөлүөтүнэн сылдьан көрүөхтээх, ууттан эмсэҕэлээбит Хатырык нэһилиэгин олохтоохторун кытта көрсүөхээх.
Итини сэргэ миниистир халаан содулун туоратыыга үлэлэһэр күүстэр туруктарын, бэлэмнэрин, үп-харчы көрүллүүтүн сыаналыахтаах. Санаттахха, билигин Саха сиригэр Арассыыйа МЧС түөрт суһал бөлөҕө үлэлии сылдьар. Нам улууһугар барыта 384 киһи уонна 92 тиэхиньикэ үлэлиир.
Миниистир Саха сиригэр сырыытын түмүктүүр мунньахха халааны сэргэ сайыҥҥы ойуур баһаардарын туһунан эмиэ дьүүллэһиэхтээхтэр.
