Бу нэдиэлэ саҥатыгар куйаарар чинчилээх. Сорох улуустарга күн оройун саҕана +28 кыраадыска тиийэ сылыйыаҕа. Ол туһунан Гидрометкиин Саха сиринээҕи салаата иһитиннэрэр.
Ыам ыйын 27 күнүгэр Эдьигээн, Өлөөн, Анаабыр уонна Булуҥ улуустарыгар күүскэ тыалырыа. Сөкүүндэҕэ 15 – 20 м түргэннээхтик үрэрэ күүтүллэр.
Саха сирин хотугулуу-арҕаа, соҕуруулуу-илин өттүгэр уонна Өлүөнэ алын тардыытынан ардыа-хаардыа. Бука, өрүстэр баран эрэллэринэн буоллаҕа.
Киин улуустарга бу түүн салгын тэмпэрэтиирэтэ +3...+8, соҕуруулуу-арҕаа уонна арҕаа +7...+12, хотугулуу-арҕаа 0...+5, сорох сиргэ -5 буолара күүтүллэр.
Күнүһүн киин улуустарга лаппа куйаарар – +23...+28, соҕуруу +17...+22, хотугулуу-арҕаа уонна хоту +12...+17 буолара сылыктанар.
Дьокуускайга бүгүн күнүс хотугулуу-арҕааттан сөкүүндэҕэ 3 – 8 м түргэннээх тыаллаах. Салгын тэмпэрэтиирэтэ – +24 кыраадыс.
