Киир

Киир

Ыам ыйын 30 күнүттэн Дьокуускай – Аллараа Бэстээх хайысханан сылдьар паромнарга пассажир төлөбүрүн сыанатын чэпчэттилэр.

Бэҕэһээ Сыана бэлиитикэтин судаарыстыбаннай кэмитиэтэ СӨ Көлөҕө министиэристибэтин уонна паромщиктары кытта мунньахтаабыт. Ол түмүгэр, улахан киһи төлөбүрүн 300, оттон оҕо киэнин 150 солкуобайга диэри түһэрдилэр.

Санатар эбит буоллахха, ыам ыйын 29 күнүгэр паромҥа пассажир сыанатын 500 солкуобай, оттон оҕо киэнэ 200 буолан, улахан аймалҕан, долгуйуу тахсыбыта. Дьиҥэр, син эрдэттэн былааннааттахха, кэпсэттэххэ сыаната түһүөн сөп эбит да, биһиги дьоммут ол туһунан эрдэ толкуйдаабакка, дьону кураанахха аймаатылар.

П.С. Баҕар, “эт, арыы сыаната эмиэ аһара ыараата” диэн суруйан, долгуйан бардахха, сыананы эмиэ түһэрэллэрэ дуу?  

Бэй.кэр.
Хаартыска: социальнай ситимтэн.

Санааҕын суруй

Бүтэһик сонуннар