“В.Рукавишников” теплоход Дьокуускай – Аллараа Бэстээх – Дьокуускай хайысханан дьону-сэргэни, быһа холоон, бэс ыйын 5 күнүттэн таһан барыаҕа. Ол туһунан “Лена-Транс” хааччахтаммыт эппиэтинэстээх уопсастыба салайааччыта Валерий Те кэпсээбит. Кини этэринэн, бэс ыйын 1 күнүттэн буойас айанньыттарын тиэйии-таһыы номнуо саҕаламмыт.
“Виктор Рукавишников” теплоход быһа холоон бэс ыйын 5 күнүттэн дьону тиэйиэҕэ. Баҕар биир-икки күн урутуон-хойутуон сөп. Билигин буойас айанньыттарын эрэ туоратабыт. Теплоход өрөмүөнэ түмүктэнэн эрэр. Тэхиниичэскэй чааһа эрэ хаалан турар – мотуорун центровкалыыбыт”, – диэбит Валерий Те.
Кини кэпсээбитинэн, быйыл теплоход сыаната 100 солкуобайынан ыараан, 400 солкуобай буолбут. Ити – улахан киһиэхэ. Оттон оҕо билиэтэ – 200 солкуобай. Субсидия диэн көрүллүбэт.
Даҕатан эттэххэ, “В.Рукавишников” теплохол Москубатааҕы суудунаны тутар собуокка 1984 сыллаахха оҥоһуллубута. Дьокуускайга 1992 сыллаахтан сүүрэр.
