Арассыыйа Федерациятын Оборуонаҕа миниистирэ Андрей Белоусов Саха сириттэн төрүттээх Николай Евдокимовка судаарыстыба биир саамай улахан наҕараадатын – Арассыыйа Федерациятын Дьоруойун “Кыһыл көмүс Сулуһун” – туттарда.
Ол туһунан өрөспүүбүлүкэ Ил Дархана Айсен Николаев телеграм-ханаалыгар суруйда.
“Биһиги Саха сирин олохтоохторо буоларбытынан киэн туттабыт. Биһиги кыайыахпыт”, – диэн Дьоруойбут Николай Евдокимов эрэллээхтик этэр.
“Ис сүрэхпиттэн эҕэрдэлиибин! Саха сирэ эйигинэн киэн туттар!” , – диэн Ил Дархан ханаалыгар суруйбут.
Арассыыйа Дьоруойа Николай Евдокимов АЛРОСА аахсыйалаах хампаанньа Удачнайдааҕы хайаны байытар кэмбинээтигэр үлэлиир.
Бэй.кэр.
Хаартыска: скриншот.
