Бэс ыйын 16 күнүгэр Саха сиригэр Алдаҥҥа, Аммаҕа, Бүлүүгэ, Мэҥэ Хаҥаласка, Муомаҕа, Өймөкөөҥҥө, Өлүөхүмэҕэ уонна Уус Алдаҥҥа барыта 21,7 тыһыынча гаа иэннээх 15 ойуур баһаарын умуллардылар. Ону таһынан, Намҥа 25 гаа иэннээх биир баһаары хааччахтаатылар. Ол туһунан Экология миниистирин солбуйааччы Андрей Коноплев күннээҕи мунньахха кэпсээбит.
Бэс ыйын 16 күнүнээҕи чахчынан, Саха сиригэр барыта 121,9 тыһыынча гаа иэннээх 74 баһаар баар: Алдаҥҥа, Аммаҕа, Булуҥҥа, Үөһээ Дьааҥыга, Бүлүүгэ, Горнайга, Эдьигээҥҥэ, Кэбээйигэ, Мииринэйгэ, Муомаҕа, Намҥа, Нерюнгрига, Өлүөхүмэҕэ, Орто Халымаҕа, Тааттаҕа, Томпоҕо, Уус Алдаҥҥа, Уус Майдаҕа, Усуйаанаҕа уонна Эбээн Бытантайга.
Ойуур баһаардара нэһилиэнньэлээх пууннарга уонна экэниэмикэ эбийиэктэригэр суоһаабаттар.
Ан-26 ардаҕы түһэрэр сөмөлүөт Бүлүүгэ, Үөһээ Бүлүүгэ, Сунтаарга уонна Ньурбаҕа үлэлиир. Бүлүү сүнньүгэр билигин ардыан сөптөөх ыанньыйбыт былыттар мустан тураллар.
Санаттахха, бэс ыйын 11 күнттэн Саха сиригэр өрөспүүбүлүкэ таһымнаах ыксаллаах быһыы-майгы биллэриллэн турар.
