Горнай улууһун борокуратуурата бэйэтэ билэ-көрө олорорунан уонна сонуну тарҕатар сириэстибэлэр иһитиннэриилэринэн, Тураҥнаахха “убаҕас бытовой отходу” тутар сир быһыта тоҕо, хайдах алдьаммытын, кирдээх уу Маатта үрэххэ көҥү түспүт быһылаанын бэрэбиэркэлиир үлэни саҕалаата.
Эрдэ суруйбуппут курдук, быһылаан (саахал?) бэс ыйын 18 күнүгэр Бэрдьигэстээх сиригэр-уотугар буолбута.
Борокуратуура ити быһылааны экологияны кэтиир-хонтуруоллуур уорганнары кытта бэрэбиэркэлиэҕэ уонна бөҕө харайыы туһааннаах сокуона хайдах тутулларын сыаналыаҕа.
Эбэн эттэххэ, улуус дьаһалтатын бэрэстэбиитэллэрин (баһылыгы уонна солбуйааччыларын) кытта билигин да сатаан сибээстэһэ иликпит. Ыйынньыктарга суруллар төлөпүөнү ким да ылбат. Бука, солото суох сырыттахтара.
Бэй.кэр.
Хаартыска: ааҕааччыларбыт ыыппыт видеоларын скриншота.
