“Азия оҕолоругар” Саха сирин сүүмэрдэммит хамаандатын туһугар бастакы мэтээли самбист Анастасия Шевченко ситистэ. Эдэр спортсмен боруонса мэтээли ылбыт.
Анастасия Шевченко 47 кг диэри ыйааһыннаахтарга киирсибит. Ити ыйааһыҥҥа Монголияттан, Кыргыстаантан, Узбекистантан, Казахстантан уонна Арассыыйа эрэгийиэннэриттэн барыта аҕыс кыыс кыттыбыт.
Боруонсаны былдьаһар финалга биһиги кыыспыт казах спортсмена Эльнара Анарбеккызыны кытта күөн көрсүбүт. Тустуу бэрт тыҥааһыннаахтык, икки өттүттэн кимэн киириилээхтик барбыт. Ол гынан баран, Анастасия биир баалынан баһыйан, өрөспүүбүлүкэҕэ бастакы мэтээли аҕалбыт.
Бэй.кэр.
Хаартыска: Дьулустаан Сергеев
