Бу сэттиэлэ бүтүүтэ, бэс ыйын 29 – 30 күннэригэр, өрөспүүбүлүкэ саамай далааһыннаах ыһыаҕа – Туймаада ыһыаҕа – ньиргийээри турар. Онон сибээстээн, Роспотребнадзор түргэнник буорту буолар, ол түмүгэр, киһи доруобуйатыгар охсуулаан буолуон сөптөөх ас-үөл испииһэгин таһаарда.
Онно киирэллэр:
- кириэмнээх бурдук аһылыктар (пирожнайдар уонна туортар);
- майаныастаах салааттар;
- буспут халбаһы бииһин ууһа;
- тиэстэҕэ сууламмыт сосиска, хот-дог, шаурма уонна онуоха ханыылыы аһылык;
- анал маркировката суох дьиэҕэ оҥоһуллубут быырпахтар, кымыстар.
Ити испииһэги Роспотребнадзор бар дьон ис дьаҥар хаптарбатын, астан-үөлтэн сүһүрбэтин диэн кыһаллан оҥорбут. Тустаах тэрилтэ үлэһиттэрэ бородууктаны анал атыылыыр сирдэртэн ылан сииргэ сүбэлииллэр. Тугу эмэ атыылаһыах иннинэ бородууксуйа куттала суоҕун уонна хаачыстыбатын туоһулуур докумуону атыыһыттартан көрдүөххэ эмиэ сөбүн санаталлар.
Бэй.кэр.
Хаартыска: yakutia.aif.ru
