Былаан быһыытынан, 2024 сыл от ыйын 1 күнүттэн Арассыыйаҕа хомунаалынай өҥө төлөбүрэ ыарыыр. Эрэгийиэн аайы туспа сыана быһыллар – 4 – 15%-ҥа диэри.
Холобур, эспиэр Ирина Блинкова этэринэн, Москубаҕа тарыып 11%-нан, Санкт-Петербурга – 9,8%-нан, оттон Хабаровскай кыраайга – 9,5%-нан үрдүөхтээх.
Саамай кыра тарыыбы Хакасияҕа, оттон улаханы – Забайкалье кыраайыгар быспыттар.
Эспиэр салгыы кэпсээбитинэн уонна быһаарбытынан, Кырыымҥа, Марий Элгэ, Комига, Саха сиригэр, Приморье уонна Хабаровскай кыраайдарыгар, ону тэҥэ Курскайга, Новосибирскайга, Ростовка уонна Самараҕа төлөбүр сыаната 9,5%-тан ыарыа сурхтаах. Владимирскай, Калуга, Орловскай, Смоленскай уонна Тамбов уобаластарыгар – 10%-тан.
Үөһэ суруллубутун курдук, хомунаалынай өҥө төлөбүрэ эрэгийиэн аайы, бэл, эрэгийиэн иһинээҕи нэһилиэнньэлээх пууннарга, тус-туспатык үрдүүр, дойду орто көрдөрүүтүттэн араастаһар буолуон сөп. Ол гынан баран, муҥутуур кирбииттэн улаатыа суохтаах.
