Киир

Киир

2024 сыл от ыйа 4 күнүгэр СӨ Баайга-дуолга уонна сир сыһыаннаһыыларыгар министиэристибэтэ 2025 сылга кэмиэрчэскэй хамсаабат баай-дуол нолуога кадаастыр сыанатыттан көрөн суоттанар барыллаан испииһэгин таһаарда.
 
Хамсаабат баай эбийиэктэрин бас билээччилэрэ уонна интэриэстээх дьон барыллаан испииһэги кытта министиэристибэ дьиҥ таһымнаах саайтыгар – minimush.sakha.gov.ru уонна “Кадаастыр сыанатын судаарыстыбаннай киинэ” СӨ СБТ саайтыгар - cgko.sakha.gov.ru “Налогообложение по ст. 378.2 НК РФ” салааларыгар билсэһиэхтэрин сөп.
 
Барыллаан испииһэк РФ Нолуок кодексын 378.2 ыстатыйатын ирдэбиллэригэр сөп түбэһэр кэмиэрчэскэй хамсаабат баай-дуол эбийиэктэригэр тарҕанар: атыы-эргиэн эбийиэктэрэ, уопсастыбаннай аһылык уонна бытовой хааччыйыы эбийиэктэрэ, дьыалабыай кииннэр уонна хонтуоралар.
 
Ааҕааччыларга санаттахха, 2023 сылтан биһиги өрөспүүбүлүкэбитигэр хамсаабат баай-дуол нолуогун ааҕыллыытыгар ураты бэрээдэк 3 түһүмэҕинэн киирэн саҕаламмыта.
 
2023 сылга испииһэк Дьокуускай, Мииринэй, Нерюнгри, Алдан уонна Ленскэй куорат территорияларыгар баар атыы-эргиэн хамсаабат баай эбийиэктэригэр оноһоллубута. 2024 сылга испииһэккэ эмиэ 5 улахан куорат иһигэр баар атыы-эргиэн хамсаабат баайа киирбитэ, ону таһынан дьыалабыай кииннэр эбиллибиттэрэ. Оттон 2025 сылтан бу нолуок бэрээдэгэ өрөспүүбүлүкэ бары территориятыгар олохтонор. Испииһэккэ атыы-эргиэн тутуулара, дьыалабыай кииннэр уонна дьон олорбот кэмиэрчэскэй аналлаах дьиэлэрэ-уоттара киирэллэр.
 
2025 сыллааҕы барыллаан испииһэккэ ЕГРН сибидиэнньэтинэн олоҕуран, 13 тыһ. кэриҥэ эбийиэк киирдэ.Тутууларга (здания) кини аата, туттар анала уонна турар сирин учаастагын туһаныы көҥүлүн көрүҥэ учуоттаммыта. Атын сыллартан ураты аан бастаан дьон олорбот кэмиэрчэскэй аналлаах дьиэ, хос киирдилэр.
 
Эппиэттээх тэрилтэлэр – СӨ Баайга-дуолга уонна сир сыһыаннаһыыларыгар министиэристибитэ уонна “Кадаастыр сыанатын судаарыстыбаннай киинэ” СӨ СБТ.
Быраабы бас билээччилэр сайабылыанньаларыгар олоҕуран, барыллаан испииһэк уларыйыан сөптөөх.
 
Эбийиэк дьин туһаныыта ЕГРН сибидиэнньэтиттэн ураты боллаҕына, бас билээччи тустаах миэрэлэри ылыныахтаах. Ону таһынан, СӨ Баайга-дуолга уонна сир сыһыаннааһыыларыгар министиэристибэтигэр барыллаан испииһэктэн таһаарар (эбэтэр киллэрэр) туһунан сайабылыанньаны суруйуохтаах. Сайабылыанньаны суруйуу бэрээдэгэ СӨ Баайга-дуолга уонна сир сыһыаннаһыыларыгар министиэристибэтин minimush.sakha.gov.ru уонна “Кадаастыр сыанатын судаарыстыбаннай киинэ” СӨ СБТ cgko.sakha.gov.ru. дьиҥ таһымнаах саайтарыгар баар.
 
Барыллаан испииһэккэ уларытыылары кэмигэр киллэртэрэр туһугар, сайабылыанньа 2024 сыл балаҕан ыйын 1 күнүгэр диэри бэриллиэхтээх.
 
Испииһэк бүтэһиктээх бигэргэтиитэ бу сыл бүтүүтүгэр оҥоһуллуо.