От ыйын 23 күнүгэр Мэҥэ-Хаҥалас улууһун диспиэтчэрдэрин сулууспатыгар Суола-Мэлдьэхси нэһилиэгэр 2016 с.т. оҕо сүппүтүн туһунан иһитиннэрии киирбит. 8 саастаах уолчаан күнүс 15:00 чааска дьиэтиттэн тахсан барбыт уонна кэлбэтэх.
Олохтоохтор, оҕо сүтээтин кытары, чаас аҥаарынан көрдүү тахсыбыттар. Манна барыта 65 киһи, ону таһынан 23 полиция, 7 быыһыыр сулууспа үлэһитэ кыттыбыттар. Ол түмүгэр, оҕону түүн 3.15 чааска 2,5 км тэйиччи сиртэн булбуттар. Хайа эрэ көрдөһөөччү оҕо ытаан сыҥсыйарын истэн таба тайаммыт. Уолчаан ойуурга 12 чаас сылдьыбыт, дэлби аччыктаабыт, куттаммыт, ол да буоллар, туруга үчүгэй диэн суруйаллар.
Көрдөөһүн тута саҕаланан, олохтоох дьон көмөлөһөн уонна халлаан наһаа хараҥара илик эрэ буолан, оҕо этэҥҥэ эргилиннэ. Онон, СӨ Быыһыыр сулууспата сайыҥҥы сынньалаҥ кэмигэр оҕолоргутун кыраҕатык манааҥ диэн көрдөһөр.
Сонун төрдө, хаартыска: https://sakhaday.ru
