От ыйын 24 күнүгэр Томпо улууһун Хандыга бөһүөлэгэр Киин Азия регионуттан үлэлии кэлбит миграннары олохтоох компонены учуоттаан үөрэтэркуурус иитинэн биэдэмистибэлэр икки ардыларынааҕы «Мигрант чааһа» бырайыак тэрээһиннэрэ буолан аастылар.
Манна Өксөкүлээх Өлөксөй аатынан Норуоттар доҕордоһууларын дьиэтин, СӨ мусульманнарын духоубунай управлениета, СӨ Дьарыктаах буолуу судаарыстыбаннай кэмитиэтин, «Томпо улууһа» МТ дьаһалтатын, СӨ ИДьМ иһинээҕи управлениетын бэрэстэбиитэллэрэ кытыннылар. Оттон от ыйын 26 күнүгэр Дьокуускайга СӨ Тас сибээскэ уонна норуоттар дьыалаларыгар, Ис дьыалаҕа министиэристибэлэрин, Норуоттар доҕордоһууларын дьиэтин бэрэстэбиитэллэрэ Кыргызстан миграннарын кытта көрүстүлэр.
ФАДН миграннары социальнай-культурнай өттүнэн үөрэтэр кууруһа хас да тиэмэлээх. Бастатан туран, манна Арассыыйа миграцияҕа уонна үлэҕэ сыһыаннаах сокуоннара, уопсастыбаннай сиргэ уонна тырааныспарга сылдьыы бэрээдэгэ, дьахтар аймахха сыһыан, итиэннэ тероризмы уонна экстремизми сэрэтии киирэллэр.
Сонун төрдө: СӨ Норуоттар доҕордоһууларын дьиэтэ
