От ыйын 27 - 28 күннэригэр Златоуст куоракка Бүтүн Арассыыйатааҕы VII Бушуев биилээх уонна симэммит сэрии сэбин бэстибээлигэр Бүлүү тимирин уустара Николай Степанов уонна Дьулустаан Марков тимири уһааран көрдөрдүлэр.
Кинилэр, саха тимири уһаарар төрүт үгэһин көрдөрөөрү, Бүлүү өрүстэн 20 кг ыйааһыннаах тааһы илдьэ тиийбиттэр. Түмүгэр тимир 6 кг 300 гр ыйааһыннаах тимир болгуо тахсан кэлбит. Уустар төрүт үгэһинэн уоту илиинэн саҕан, кыыл түүтүн туһанан, чоҕу сөпкө таһааран тимирдэрин уһаардылар.
Бэстибээлгэ дойду араас муннугуттан 200 тахса кыттааччы мустубут. Оттон көрөөччүлэр Дамаск ыстаалыттан тугу эмэ охсон, иһит-хомуос оҥостон, кылыһынан охсуһууну, ох саанан ытыы күрэстэрин көрөн аралдьыйдылар.
Эрэдээксийэттэн: Бассаапка Николай Степанов Свердловскай уобаласка Вилюй өрүскэ сылдьан ааспытын туһунан суруйдулар. Манна өссө итинник ааттаах бөһүөлэк баарын бэлиэтиибит. Бу биһиги Бүлүү өрүспүтүгэр туох да сыһыана суох буолуон сөп.
Сонун төрдө: «Симэх» киин
