Суут бириистэптэрин маннааҕы управлениетын дааннайынан, билигин Саха сирин 686 олохтооҕо оҕолоругар алимент төлөөмөөрү куота сылдьаллар эбит. Онуоха, 60 тахса оҕо туһааннаах тэрилтэҕэ иитиллэ сылдьаллар.
Алимеҥҥа иэстээхтэр сүрүннээн киин куорат олохтоохторо – 461 киһи, онтон Нерюнгри (55), Мииринэй (42) уонна Ленскэй (39) олохтоохтор кэлэллэр. Мантан саамай эдэрдэрэ 3 саастаах кыыс оҕолоох 22 саастаах Мииринэй олохтооҕо эбит. Онтон саамай саастаахтара – икки обургу оҕолоох 63 саастаах аҕа.
Сыл саҕаланыаҕыттан күһэйэн толорторор уорган үлэһиттэрэ алимеҥҥа иэстээх 120 киһини буллулар уонна 200 саҥа көрдүүр дьыаланы тэрийдилэр.
Сонун төрдө: Суут приставтарын управлениета
