ТайгаПост аан ситим иһитиннэриитинэн, СӨ ыччат дьыалатын уонна социальнай алтыһыытын миниистирэ Петр Шамаев бу ый бүтүүтэ анал байыаннай дьайыыларга баҕа өттүнэн бараары сылдьар.
Кини Уһук Илиҥҥи федеральнай уокурук судаарыстыбаннай сулууспалаахтарын этэрээтигэр киирэн алта ый сулууспалыаҕа. Аан ситимҥэ суруллубутунан, миниистир командировкаҕа бараары хараҕын эмтэппит, БПЛА эпэрээтэрин кууруһугар үөрэммит. Билигин «Боотур» этэрээт доброволецтарын кытта салгыы бэлэмнэнэр.
Петр Шамаев сулууспалыыр кэмигэр министиэристибэни Аллараа Кураанахтан төрүттээх, 29 саастаах Арассыыйа Игорь Юргин солбуйуоҕа. Кини анал байыаннай дьайыыларга кимэн киирии этэрээтин хамандыырынан сылдьыбыта. Билигин Игорь, салайар каадырдары бэлэмниир «Время героев» тосхол кыттыылааҕа буолан, бырабыыталыстыбаҕа стажировка ааһар.
Сонун төрдө: ТайгаПост
