Иккис өрөспүүбүлүкэтээҕи архитектура уонна дизайн эйгэтигэр туттарыллар «ЭЙГЭ-2024» бириэмийэ эспиэрдэрин сүбэтэ 10 хайысханан бириэмийэҕэ киирсээччилэри быһаарда. Манна куорат уонна тыа сирин араас көрүҥнээх эбийиэктэрэ: олорор дьиэлэр, тиэргэннэр, оскуолалар, түмэллэр, тэрилтэлэр, туристыыр базалар уонна да атыттар бааллар.
Испииһэги Тутааччы күнүгэр ыытыллыбыт Стройфест бырааһынньыкка иһитиннэрдилэр. Ордук элбэх сайаапканы «Бастыҥ социальнай эбийиэк» – 47, «Бастыҥ тиэргэн» – 39 уонна «Бастыҥ уопсастыбаннай уораҕай» хайысхаларга биэрбиттэр. Бастыҥнар ахсааннарыгар 20 улуустан 107 эбийиэк киирбит.
Бириэмийэни 2022 сыллаахха СӨ Бырабыыталыстыбатын өйөбүлүнэн Архитектура уонна куораты тутуу управлениета (салайааччы Любовь Папок) олохтообутун санатабыт. Финалистар испииһэктэрин манна киирэн көрүҥ: https://eyge.letoyakutia.ru/short-list-nominantov-na-premiyu-ejge-2024-otobrali-v-yakutii/
Сонун төрдө: СӨ Бырабыыталыстыбатын уонна Ил Дарханын пресс-сулууспата
