Сыл ахсын ыытыллар олохтоох түмсүүлэри муһар III «Одуну Фест» бэстибээл атырдьах ыйын 17 күнүгэр Горнай улууһун Маҕарас сэлиэнньэтин сынньалаҥа пааркатыгар буолуоҕа. Тэрээһин аччыгый түөлбэлэри социальнай уонна култуурунай хамсааһын нөҥүө сайыннарыыга ананар.
Бэстибээл чэрчитинэн дьыалабыай уонна аралдьытар тэрээһиннэр: киинэ бэстибээлэ, CS GO фиджитал-турнира; дроннар куоталаһыылара; Горнай улууһун успуорт төрүт көрүҥнэригэр күрэхтэһиитэ; аныгы үҥкүү күрэҕэ; худуоһунньуктарга аналлаах тэрээһин; «Этника Фест» түмсүүттэн уонна тэрийээччилэртэн норуот ускуустубатын оҥоһуктарын көрдөрөр уулусса дьаарбаҥката, ыалдьыттарга уонна кыттааччыларга анаан дьоро киэһэ ыытыллыахтара
Тэрээһин дьыалабыай өттүгэр «Горнай улууһун инбэстииссийэлиир кыаҕа» диэн тиэмэлээх төгүрүк остуол буолуоҕа. Бэстибээл саха сулустара Kit Jah, Erkhaan, Sergo, Ankharob, Нарияна Куо кыттыылаах уоттаах-күөстээх опен-эйрынан түмүктэниэ.
Бэстибээл туһунан манна ааҕыҥ: Vkontakte: https://vk.com/odunufest, Telegram: https://t.me/odunufest.
