Киир

Киир

Быйыл Өлөөн эбэҥки национальнай оройуонугар төрдүс төгүлүн Сыа балык (тугунок) күнүн бэлиэтиэхтэрэ. Бу бырааһынньыгы бастакытын 2021 сыллаахха айылҕаҕа харыстабыллаах сыһыаны көҕүлүүр уонна төрүт олохтоохтор үгэстэрин сайыннарар соруктаах тэрийбиттэрэ.

Оройуон баһылыга Лена Иванова быйыл 23 хамаанда кыттыахтааҕын иһитиннэрдэ. Кини этэринэн, бары сөбүлүүр сыа балыкпыт, ыраас эрэ ууга үөскүүр буолан, айылҕабыт хайдах туруктааҕын дьэҥкэтик көрдөрөр, онон баарын тухары тулалыыр эйгэбит ыраас диэн сыаналыахха сөп.  

Билигин бырааһынньыкка бэлэмнэнии бара турар. Өлөөн олохтоохторо бу күнү долгуйа кэтэһэллэр. Оттон тэрийээччилэр Удачнайдааҕы  ГОК-тан, Мииринэйгэ, Дьокуускайга шефтэһэр тэрилтэлэриттэн ыалдьыттары күүтэллэр.

Сонун төрдө: СӨ Бырабыыталыстыбатын уонна Ил Дарханын пресс-сулууспата

Хаартыска: Мария Васильева

Санааҕын суруй

Бүтэһик сонуннар