СӨ Үөрэх уонна билим министиэристибэтэ иккис сылын оскуола боруогун атыллыыр кырачааннарга ураты күннүгү (дневниги) бэлэхтиир. Күннүк уратыта икки судаарыстыбаннай тылынан суруллубутугар буолар.
Миниистир Нюргуна Соколова иһитиннэрбитинэн, икки тыллаах күннүк «Саха Өрөспүүбүлүкэтигэр судаарыстыбаннай уонна бигэ туруктаах тыллары харыстааһын уонна сайыннарыы» тосхол иитинэн бэчээттэнэр уонна оҕолорго икки тыллаах эйгэ култууратын иҥэрэр.
Күннүктэри Билии күнүгэр, быйыл балаҕан ыйын 2 күнүгэр үөрүүлээх быһыыга-майгыга Саха сирин бары бастакы кылаас үөрэнээччилэригэр туттарыахтара.
*Манна даҕатан, төрөппүттэр санааларын эттэххэ, үөрэх кыһаларыгар элэктириэн сурунаал киириэҕиттэн итинник кумааҕы күннүгү оҕо да, учуутал да толорбот, төрөппүт бэрэбиэркэлээбэт буолбута ырааппыт.
Сонун төрдө: СӨ Үөрэх уонна билим министиэристибэтэ
