Саха сиригэр уһуллубут үс киинэни Лондоҥҥа 18-с Аан дойдутааҕы төрүт омуктарга аналлаах Native Spirit киинэ бэстибээлин аһыллыытыгар алтынньы 12 күнүгэр көрдөрүөхтэрэ.
Бу – Владимир Кочарян «Якутия —между мирами» документальнай киинэтэ, Кыһыҥҥы Ойуур «Сүппүт суруктар» анимационнай тэттик киинэтэ уонна Айаал Адамов «Айыы Куо» уус-уран тэттик киинэтэ.
Ону ааһан, бэстибээл аһыллыытыгар саха култууратын үгэһинэн хомус тыаһыа уонна салама ыйаныа диэн тэрийээччилэр бэлиэтииллэр. Өссө бэстибээл бигэргэммит постерынан саха худуоһунньуга Семён Луканси хартыыната буолла.
Сонун төрдө: @discoversakhacinema
