Дьокуускай куоракка атырдьах ыйын 24-25 күннэригэр «Виктория» лааҕыр тиэргэнигэр II Өрөспүүбүлүкэтээҕи «Вместе с папой» күрэс ыытылынна. Быйыл манна Горнай, Нам, Орто Халыма, Таатта, Уус Алдан, Хаҥалас, Чурапчы улуустарыттан, Дьокуускай куораттан 17 хамаанда кытынна.
11-тэн 14-гэр диэри саастаах уол оҕолоох аҕалар «Визитка», «Построение. Спортивное ориентирование – лабиринт», «Конкурс на лучший бивуак», «Туристическая полоса», «Спортивное ориентирование – Кросс-выбор» уонна «Интеллектуальный» диэн түһүмэхтэргэ илин былдьастылар.
Икки күннээх күрэхтэһии түмүгүн СӨ Успуорт ориентированиетыгар федерацията таһаарда. Онон, кыайыы өрөгөйүн биллилэр:
1 миэстэ: Лев Кириллович уонна Айаан Соровтар (Дьокуускай);
2 миэстэ: Афанасий Эдуардович уонна Эдуард Ушницкайдар (Уус Алдан);
3 миэстэ: Николай Семенович уонна Айгылаан Латышевтар (Хаҥалас).
Кинилэргэ уу харчынан 100 000, 80 000, 60 000 солкуобай кээмэйдээх бириис туттардылар. Күрэс сүрүн тэрийээччитинэн СӨ Үлэҕэ уонна социальнай сайдыыга министиэристибэтэ буолар.
Сонун төрдө: СӨ Үлэҕэ уонна социальнай сайдыыга министиэристибэтэ
