Атырдьах ыйын 27 күнүгэр тыыл бэтэрээнэ, Алдан куорат олохтооҕо Анфиса Маркеловна Олесова 100 сааһын туолла. Үгэс быһыытынан киниэхэ Бэрэсидьиэн Владимир Путин уонна Ил Дархан Айсен Николаев эҕэрдэтин тиэртилэр.
Бу бэлиэ күн Алдан улууһун баһылыга Александр Шестопалов, улуус нэһилиэнньэтин социальнай көмүскэлин управлениетын салайааччыта Вадим Мазурок уонна Улуус бэтэрээннэрин сэбиэтин бэрэссэдээтэлэ Галина Красноусова Анфиса Маркеловнаҕа үөрүүлээх быһыыга-майгыга «Үйэ саас» бэлиэни уонна 100 тыһ. солк. харчыны туттардылар.
Анфиса Маркеловна 1924 сыллаахха Кемеровскай уобалас Юргинскай оройуонун Проскоково сэлиэнньэтигэр төрөөбүт. 7 кылааһы туйгуннук бүтэрэн баран Томскайдааҕы фармация оскуолатыгар киирэн үс сыл үөрэммит. Үөрэҕин Аҕа дойду сэриитин кэмигэр бүтэрбит. 1943 сыллаахха Анфисаны Саха сиригэр киин куорат сүрүн эмтиэкэтигэр үлэлэтэ ыыппыттар.
Онтон Майа сэлиэнньэтигэр 25 №-дээх эмтиэкэ сэбиэдиссэйинэн ананан тиийбит. Онно милииссийэ начальнига Егор Семёнович Олесовтыын билсиһэн сүрэхтэрин холбообуттар. Кэргэнин Алдан куоракка пааспар остуолун начальнигынан ыытыахтарыттан манна олохсуйан хаалбыттар.
Сонун төрдө: СӨ Үлэҕэ уонна социальнай сайдыыга министиэристибэтэ
