Киин куорат суһал көмө ыстаансыйатын 21 №-дээх биригээдэтигэр анал байыаннай дьайыыларга кытта сылдьан дьоруойдуу охтубут фельдшер Федор Сидоров аатын иҥэрдилэр. Кини ыстаансыйаҕа 18 сааһыттан үлэлээбит, мантан уон икки сылын фелдьшер быһыытынан күүстээх терапия биригээдэтигэр анаабыт.
Атырдьах ыйын 27 күнүгэр кэлэктиип Федор чугас дьонун кытта көрүстэ. Сүрүн быраас Татьяна Андросова үлэһитин үгүс үтүө тылынан аҕынна уонна кини аатын үлэлээбит биригээдэтигэр иҥэрэр туһунан бирикээһи туттарда. Онон, байыас аатын сүгэр анал бэлиэлээх биригээдэ эппиэтинэһэ өссө үрдээн салгыы дьоҥҥо көмөлөһө ыстанна.
СӨ Доруобуйа харыстабылын министиэристибэтэ Федор дьиэ кэргэнигэр дириҥ кутурҕаынын биллэрэр.
Сонун төрдө: СӨ Доруобуйа харыстабылын министиэристибэтэ
