Дьиэ кэргэн уонна оҕо саас сылынан биллэриллибит 2024 сыл аҕыс ыйын устата барыта 7110 оҕо күн сирин көрдө. Итинтэн 3515 – кыыс, 3595 – уол. Оттон атырдьах ыйыгар барыта 841 оҕо төрөөтө. Итинтэн 382 – кыыс, 459 – уол.
Манна даҕатан, өрөспүүбүлүкэҕэ хаһыс оҕотуттан тутулуга тус сыаллаах «Үйэ оҕолоро» хапытаал бэриллэрин санатабыт. Быйыл хапытаалы 4016 дьиэ кэргэн ылан туһанна. Кээмэйэ улаатан 110 тыһ. солк. буолан турар.
Маныаха үһүс оҕоҕо бэриллэр өрөспүүбүлүкэтээҕи ийэ хапытаалын кээмэйэ икки төгүл улаатан 300 тыһ. солк. буолбутун бэлиэтиибит.
Хаартыска: Юлия Пыхалова
