Дьөккөн сэлиэнньэтигэр оҕо сүппүтүн туһунан иһитиннэрии «Бүлүү улууһа» МТ биир кэлим диспиэччэрдэрин сулууспатыгар балаҕан ыйын 6-с түүнүгэр 02 чаас 25 мүнүүтэҕэ киирбит. Эр киһи 2021 с.т. уол оҕото дьиэтин тиэргэниттэн киэһэ 20 чаас 30 мүнүүтэ саҕана сүппүтүн кэпсээбит.
Ол кэннэ оҕону ИДьМ 9 үлэһитэ уонна олохтоох нэһилиэнньэттэн 50 киһи көрдөөбүттэр. Сарсыарда 06 чааска ыаллар тиэргэннэрин уонна нэһилиэккэ баар тутуулары сыныйан көрбүттэр. Маны сэргэ, квадрокоптеры туһанан кыраныыссалары, чугастааҕы Эбэ уонна Сайылык күөллэри чинчийбиттэр. Сарсыарда 08 чаастааҕы туругунан оҕо көстүбэтэх.
Сарсыарда Дьөккөҥҥө киин куораттан СӨ Быыһыыр сулууспатын 6 үлэһитэ БПЛА илдьэ көттүлэр. Көрдөөччүлэргэ Үөһээ Бүлүү коллеһыттан 10 волонтер кыттыста. Оҕо котоку тыыннаах көстөрүгэр баҕарыаҕыҥ.
Сонун төрдө: СӨ Быыһыыр сулууспата
Хаартыска: Олох суола
